Oppskrifter

Oppskrifter

hjortesteik

Hjortesteik på vestlandsk vis

Oppskrifta er til seks personar.

  • 1 hjortesteik på omlag 1,5 kilo
  • Smør til bruning
  • Salt/pepar
  • Einebær
  • 1 lauk i båtar
  • 2 gulrøter
  • 1/2 knollselleri
  • 2 ts rosmarin
  • l ts oregano
  • Vatn eller kraft

Gni inn steika med salt og pepar. Varm smør i ei gryte og brun steika på alle sider. Bruk reiskap av tre til å snu steika rundt i gryta. Gjer i stand ei langpanne der du legg i gulrot og knollselleri som er delt i små stykke.

Lag ei krydderblanding av 6-8 einebær, rosmarin og oregano. Gni steika inn med dette og legg den på ei rist over langpanna. Hell over ein halv liter vatn eller hjortekraft og sett steika i omnen på 200 grader. Bruk steiketermometer. La den stå i omlag ein og ein halv time. Følg med på temperaturen. Når kjernetemperaturen er omlag 70 grader er steika ferdig. Hugs å helle vatn frå langpanna (arroser) over steika med jamne mellomrom. Når termometeret viser 70 grader, tek du ut steika og pakkar den i aluminiumsfolie. Då vil varmen og safta fordele seg inne i steika.

Bruk sjyen frå langpanna og lag ein saus på følgjande vis: Sil sjyen. Lag ei smørjamning i steikepanna eller bruk litt smør og brun maisenna. Hell over sjyen og tilset salt og pepar og 1 ts sukker. Tilsett 4 dl buljong eller kjøtkraft. Ha i nokre skiver brunost, 3 dl fløyte og 2 dl raudvin. La sausen koke 10 minutt og set den til side. Til hjortesteik smakar det godt med kokte poteter, kokt rosenkål, gulrot, brokkoli eller liknande grønsaker, samt rørte tyttebær, ripsgelé eller rognebærgelé.